तो भूकंपच होता ! बोटा परिसरात झाला 2.4 रिक्टर स्केल भूकंप ; भंडारदरा, डिंभे येथील यंत्र बंद ;

तो भूकंपच होता ! बोटा परिसरात झाला 2.4 रिक्टर स्केल भूकंप ; भंडारदरा, डिंभे येथील यंत्र बंद ; धरणावर भूकंप मापन यंत्राची गरज

संगमनेर : भारत रेघाटे

गेली अनेक वर्षापासून बोटा घारगाव परिसरात वर्षातून एक ते दोन वेळा भूकंपाच्या लहरी हमखास होतातच भूगर्भातील या हलचाली भूकंपाने नागरिकांमध्ये चांगलीच घबराट होत असते. रविवार दि 14 सप्टेंबर रोजी बोटा परिसरात सायंकाळी ५:२७ ला केळवाडी, कुरकुटवाडी, आंबी दुमाला, अकलापूर, तळपेवाडी, मसवंडी, मोधडवाडी, माळवाडी आदि परिसरात भूकंपाच्या हादऱ्याने नागरिकांमध्ये घबरायटीचे वातावरण पसरले होते. घरावरील पत्रे, घरातील वस्तू भांडी अस्ताव्यस्त पडल्याने नागरिकांमध्ये भीतीचे वातावरण पसरवून अक्षरशः सैरावैरा नागरिक घराबाहेर पडले. एवढेच नव्हे तर बोटा परिसरातील नागरिकांनी रात्र जागून काढल्याचे समजते.

भूगर्भातील हालचाली कशा चालतात याबाबत तूर्तास आपण काही सांगू शकत नाही. भूकंपाचे ठराविक असे कोणतेही क्षेत्र नसते. भूकंप हा कधी, कुठेही आणि केव्हाही होऊ शकतो. साधारण पावसाळा संपण्यापूर्वी घारगाव, बोटा परिसरात वर्षातून एक ते दोन हलक्या लहरीचे सौम्य भूकंप झाल्याच्या नोंदी आढळतात. अशा छोट्याशा लहरीने फारसे नुकसान होत नसले तरी नागरिकांनी कोणतीच भीती न बाळगता दक्षता म्हणून घरामध्ये जड वस्तू ठेवू नयेत, घराची डागडुजी त्वरित करून घ्यावी, अफवांवर विश्वास ठेवू नये, छोटी, छोटी भूकंप लहरी ह्या भविष्यात त्याचे रूपांतर मोठ्या भूकंपातही ठरू शकतात असा अनुमानही फारसा बांधता येणार नाही. भूगर्भातल्या हालचाली ह्या कधी, केव्हाही, कुठेही अन कशाही घडू शकतात.