स्वामिनीच्या लाडक्या बहिणींनी वाहक चालकांना बांधले रक्षासूत्र

स्वामिनीच्या लाडक्या बहिणींनी वाहक चालकांना बांधले रक्षासूत्र संगमनेर आगारात साजरे झाले आगळेवेगळे रक्षाबंधन. ऑल इंडिया लिनेस क्लबचा अनोखा उपक्रम { लाडक्या स्वामिनीचा एक धागा सुरक्षेसाठी }.

संगमनेर { भारत रेघाटे }. राज्य परिवहन मध्ये सेवा देताना परिवहनातील चालक, वाहक कर्मचारी अनेक वेळा विविध संकटांचा सामना करतात. आपल्या लाडक्या बंधू आणि भगिनींना राज्य परिवहन महामंडळाच्या बसमधून सुरक्षित स्थळी नेत बंधू भगिनी अर्थात लाडक्या बहीण आपल्या भावा बहिणींची भेट घेतात. तर रक्षाबंधन साजरा करण्यात यावा यासाठी राज्य परिवहन महामंडळाचे कर्मचारी अहोरात्र सेवा देतात. परंतु रक्षाबंधनाच्या दिवशीही ते आपल्या कर्तव्यावर हजर असल्याने या रक्षेच्या आणि सुरक्षेच्या बंधनातून रक्षा बंधनाच्याच दिवशी ते वंचित राहतात. ते सुध्दा सुरक्षित रहावेत त्यांचीही रक्षा व्हावी हा उदात्त हेतू नजरे समोर ठेवून ऑल इंडिया लिनेस क्लब या संघटनेच्या अंतर्गत चालणाऱ्या संगमनेर येथील "स्वामिनीच्या" लाडक्या बहिणींनी रक्षा करणा-या दिनाचे आणि सामाजिक कार्याचे औचित्य साधत तसेच समाजाला दिशादर्शक देण्याचे काम संगमनेर आगारातील पदाधिकारी, वाहन, चालक, कर्मचारी यांना रक्षा सूत्र बांधून रक्षा बंधनाचा उत्सव साजरा केला.

बहिण भावाचं नाते क्षणाचा राग, क्षणाची भांडणे रुसवा थट्टा मस्करी हे सर्व काही या नात्यांमध्येच दिसून येते. वाहक चालक आपल्या बहिणीपर्यंत पोहोचू शकत नाही. बहिणींना आपल्या भावापर्यंत तर भावाला आपल्या बहिणी पर्यंत पोहोचण्याचे महत्त्वाचे कार्य ते करत असतात. या सर्व बंधु आणि भगिनींना वेळेत आणि सुरक्षित ठिकाणी पोहोचण्याचे काम महिला कंडक्टर तसेच चालक वाहक कर्मचारी करीत असतात. अशा ह्या आपल्या सर्व प्रवाशीसेवकांना "स्वामिनी लिनेस भगिनींनी राज्यपरिवहन महामंडळातील संगमनेर आगारातील कर्मचारी असल्या बहीण भावांना आपलेसे करत एक स्नेहबंध अधिक दृढ करत त्यांनाही हा आशीर्वादाचा धागा सुरक्षिततेची भावना कायम मनात ठेवून बहीण सुद्धा भावाचे रक्षण करते आणि भाऊ सुद्धा या बहिणीचे संरक्षण करण्यासाठी तत्पर असतो असा संदेश स्वामिनी च्या लाडक्या बहिणींनी

रक्षाबंधना निमित्ताने संगमनेर आगारातील आगार प्रमुख प्रशांत गुंड, सहाय्यक उपयंत्र अभियंता शरद खोत चालक, वाहक, महिला कर्मचारी यांना रक्षासूत्र अर्थातच राखी बांधून रक्षाबंधन साजरा करण्यात आला. या कर्मचाऱ्यांच्या सेवेला मानवंदना देत त्यांच्याशी बंधुत्वाचे नाते यावेळी महिला भगिनींनी जपल्याच्या भावना व्यक्त केल्या.