रेशन धान्य वितरणात दिरंगाई ; शासनाकडे धान्याचे संचित, लाभार्थी मात्र वंचित

एकूण दृश्ये: 233

रेशन धान्य वितरणात दिरंगाई ; शासनाकडे धान्याचे संचित, लाभार्थी मात्र वंचित

संगमनेर { भारत रेघाटे }

गेली अनेक वर्षापासून रेशन भरण्यासाठी लाभार्थ्यांना अनेक गोष्टींचा सामना करावा लागतो. ही नैमितिक समस्या येतच असते. तर ती कधीकधी चांगली डोकेदुखी ठरत आहे. शासनाकडे दूरदृष्टी असून उपयोग होत नाही. यामध्ये पारदर्शकताच नसल्याने लाभार्थ्यांना मात्र नाहक त्रास सहन करण्याची वेळ घेऊन ठेपली आहे.

स्वस्त धान्य दुकानातील लाभार्थ्यांच्या अन्नसुरक्षेचा लाभ धान्य वितरणातील गोंधळ हा नवा विषय नाही. तो ऐनकेन प्रकारे पुढे येतच असतो. पूर परिस्थिती, तसेच पावसाळ्यातील अडचणी दूर होण्यासाठी शासनाकडून तीन महिन्याचे धान्य देण्याचा निर्णय घेण्यात आला. परंतु उपलब्ध साठा, परिवहनाची कमतरता तसेच स्वस्त धान्यात धान्य ठेवण्यासाठी जागेची कमतरता यातून अनेक अडचणीचा सामना स्वस्त धान्य वितरणका सह लाभार्थ्यांना करण्याची वेळ आलेली आहे. अनियमिततेमुळे, लाभार्थीना हक्काचे धान्य देण्यात टाळाटाळ केली जाते का ? असा प्रश्न लाभार्थी विचारताना दिसून येत आहे.,

आता शासनाकडून सलग तीन महिन्याचे धान्य एकत्रित देण्यात येत आहे . परंतु उपलब्ध साठा कमी असणे जागेचा अभाव, त्यातच एका व्यक्तीस तीन तीन महिन्याचे धान्य घ्यावे लागत असल्याने लाभार्थ्याला धान्य मिळण्यास विलंब होत आहे. त्यातच आलेला माल लवकर संपल्याने अनेक नागरिकांचे दोन दोन ,तीन तीन दिवस रांगेत उभे राहूनही धान्य मिळाले नसल्याने निराश होत घरी परतावे लागले. ग्राहकांना वेठीस धरण्याचा प्रकार असल्याचे लाभार्थ्यांचे म्हणणे आहे. अशा एक ना अनेक तक्रारी तालुक्यातील रेशन धारकाकडून येत आहेत. तीन महिण्याऐवजी दोन महिन्यांचे धान्य दिले असते तरी चालले असते. त्यामुळे अनेक लाभार्थ्यांना लाभ मिळाला असता असे काही नागरिकांचे म्हणणे आहे.