झालेला हल्ला उद्याच्या परिवर्तनाची नांदी ठरणार ; मंत्री विखे पाटील { येत्या निवडणुकीत महायुतीचा भगवा फडकलाच पाहिजे }

हा हल्ला उद्याच्या परिवर्तनाची नांदी ठरेल ; मंत्री विखे पाटील

{ येत्या निवडणुकीत महायुतीचा भगवा फडकलाच पाहिजे }

संगमनेर : भारत रेघाटे

असे प्रकारचे हल्ले घडतात, ते अतिशय दुर्दैव आहे. हे प्रकार तालुक्यासाठी नवीन नाही. हल्ले करणे संगमनेर तालुक्याची परंपरा राहिलेली आहे. संगमनेर तालुका हा दहशतीचा तालुका होता. वर्षानुवर्षे या तालुक्यात दहशत सुरू ठेवण्याचे काम पू पूर्वीच्या सत्ताधाऱ्यांनी केले. विरोध करतो त्याचा कार्यक्रम करायचा. लोकांमध्ये दहशतवादी वातावरण निर्माण करून आपल्या पायाजवळ राहिले पाहिजे असे वातावरण निर्माण करायचे. धांदरफळच्या घटनेने तालुक्याचा आमदार बदलला. येत्या पंचायत समिती जिल्हा परिषद नगरपालिकेच्या निवडणुकी साठी शत प्रतिशत महायुतीचा भगवा फडकलाच पाहिजे. असे काम कार्यकर्त्यांना करण्याचा सल्ला देत या तालुक्यात विकासाचे पर्व आणायचे आहे असे प्रतिपादन जलसंपदा तथा पालकमंत्री राधाकृष्ण विखे पाटील यांनी केले.

आमदार अमोल खताळ यांच्यावर झालेला भ्याड हल्ल्याचा निषेध करण्यासाठी संगमनेर येथील नवीन नगर रोडवर एका महासभेला उद्देशून विखे पाटील बोलत होते. विखे पाटील पुढे म्हणाले की, एक सर्वसामान्य कार्यकर्ता अहोरात्र आपल्यासाठी झिजत होता. या कारणाने येथील प्रस्थापित माणसाचा धोबी पछाड झाला. त्यांना हे दुःख पचवता आले नाही . लोकशाहीमध्ये जनतेने दिलेला कौल आपण मान्य केला पाहिजे. तुम्हाला लोकशाही मान्य नसून तुम्हाला ठोकशाही मान्य असल्याचा टोला यावेळी विखे पाटील यांनी लगावला. लोकशाही मध्ये झालेला पराभव तुम्हाला स्वस्थ बसू देत नसल्याचे ते म्हणाले . यापूर्वी कीर्तनकारावर आणि वारकरी संप्रदाय हल्ला करण्याचा प्रयत्न केला गेला. आता या तालुक्यातील जनता तुमच्या विरोधात उभी राहिल्याशिवाय गप्प बसणार नाही.

अमोल खताळ यांनी तालुक्याच्या विकासासाठी स्वतःला झोकून दिलेले आहे. या तालुक्याला न भूतो न भविष्यती असे दिवस अमोल खातळ यांच्या रूपाने या तालुक्याला मिळाले. कुठे टँकर लावला नाही, कुठे वाळू माफिया ही पोसला नाही. हे आपल्या तालुक्याचे परिवर्तन आहे. आपल्या सर्वाकडे बघून माझाही हुरूप वाढल्याचे विखे पाटील यांनी सभेचे कौतुक केले. तुमच्या चुका मुळे तुम्हाला जनतेने घरी बसवल्याचेही विखे म्हणाले. तुम्ही आता लोकांच्या मनातून उतरले असल्याची जाणीव तुम्ही लक्षात ठेवली पाहिजे. कालची घटना घडलेली ती अचानक घडली नसून यामागील खरे सूत्रधार शोधले पाहिजे. अशा सूचना आपण पोलिसांना दिल्या आहेत. अमोल खताळ यांचा केस सुद्धा वाकडा होणार नाही. याची मी ग्वाही देतो .