जेव्हा आमदार खताळ बस स्टेरिंग घेतात हातात

एकूण दृश्ये: 675

आमदार खताळांनी बस स्टेअरिंग हातात घेत स्थानकात मारला राऊंड ; आगारात ५ नवीन बसेस दाखल ; भक्तांना पंढरपुरी रवाना करत केले लोकार्पण

संगमनेर { भारत रेघाटे }

राज्यातील महायुती सरकारच्या माध्यमातून आमदार अमोल खताळ यांच्या पाठिंब्याने संगमनेर आगारात १० बसेस आल्या. यापूर्वी मार्चमध्ये पाच बसेस आल्या होत्या. आता आषाढी एकादशीच्या पूर्वसंध्येला शनिवारी आणखी ५ एसटी बसेस दाखल झाल्या. दस्तुरखुद्द खताळ यांनी स्थानकात महायुती पदाधिकारी कार्यकर्ते आणि वारकरी यांच्यासोबत स्थानकात राऊंड मारत प्रवाशांना पंढरपूरला रवाना करत बसचे लोकार्पणही केले.

खताळ म्हणाले की, आगारातील एसटी कर्मचारी, चालक आणि वाहकांच्या समस्या परिवहन मंत्री एकनाथ शिंदे यांना कळवल्या जातील आणि त्या तात्काळ सोडवल्याही जातील. नागरिकांनी बस स्थानक, बस स्वच्छ ठेवाव्यात असे आव्हान त्यांनी केले.

यावेळी शिवसेना तालुका अध्यक्ष रामभाऊ रहाणे, शिवसेना शहराध्यक्ष दिनेश फटांगरे, विनोद सूर्यवंशी, महिला जिल्हा उपाध्यक्ष दीपाली वाव्हळ, भाजप शहराध्यक्ष पायल ताजणे, मेघा भगत उषा कपिले, आरपीआय शहराध्यक्ष कैलाश कासार, माजी नगरसेवक ज्ञानेश्वर कर्पे, शिरीष मुळे, कैलाश वाकचौरे, राष्ट्रवादी काँग्रेस जिल्हाध्यक्ष कपिल पवार, अ‍ॅड., संग्राम जोंधळे, यांच्यासह महायुतीचे कार्यकर्ते आणि आगार कर्मचारी नंदू कानकाटे चौधरी, किसन घुमरे, पटेल, श्रीमती बोंबले, श्रीमती उंबरे आणि इतर कर्मचारी उपस्थित होते.