फ्लिम इंडस्ट्रीत दिले दिग्गजांना फिटनेसचे ट्रेनिंग ;

एकूण दृश्ये: 362

फ्लिम इंडस्ट्रीत दिले दिग्गजांना फिटनेसचे ट्रेनिंग ;संगमनेरकरांच्या सेवेत मसल मॅजिक जिम; 35 युवकांना केले सम्मानित

संगमनेर { भारत रेघाटे }

आरोग्या बाबत युवकांनी जागरूक राहिले पाहिजे. आपली शक्ती मजबूत आणि विचार पक्के झाले पाहिजे. शारीरिक स्वास्थ्यासह मानसिक स्वास्थ्यास तेवढेच महत्त्व दिले पाहिजे. शारीरिक शक्तीसाठी व्यायाम आणि फिटनेस महत्वपूर्ण असून नियमित व्यायाम व शारीरिक गतिविधी यास प्राथमिकता देणे गरजेचे आहे. चांगल्या जीवनशैलीसाठी व्यायामाची सवय लावून घेतली पाहिजे असे मत अँग्लो उर्दू चे ट्रस्टी अब्दुल्ला चौधरी यांनी व्यक्त केले .

बीबी सारा उमर सय्यद महिला सेवा शक्ती फौंऊडेशन आणि मसल मॅजिक जिम च्या वतीने कार्यक्रमाचे आयोजन करण्यात आले होते. गेली तीन वर्षा पासून संगमनेर करांच्या सेवेत मसल मॅजिक जिम आरोग्या बाबत जागृती करीत आहे. या ठिकाणी अनेक युवक आपले भविष्य घडवीत आहेत. मान्यवरांच्या हस्ते 35 युवकांना गोल्ड मेडल, आणि ट्रॉफी देवून सन्मानित करण्यात आले. यावेळी अध्यक्ष गनी हाजी शेख ,अंगलो उर्दू हायस्कूलचे ट्रस्टी अब्दुल्ला चौधरी, जवाहरलाल नेहरू उर्दू सेंटरचे इद्रीस शेख असिफ अली सय्यद, इसाक खान, रिजवान मंत्री,मतीन भाई ,युसूफ भाई जिम चे प्रमुख इम्तियाज नाझीर आदि उपस्थित होते.

मार्गदर्शन करताना डॉ. दानिश म्हणाले की, कसरत जीवनात फायदेशीर आहे. पण जर आरोग्य नसेल तर काहीही उपयोग नाही. फिटनेस मध्ये जागरूकता झाली पाहिजे. आजकाल मुले मोबाईल फोनमुळे त्यांचे आरोग्य खराब करीत आहेत. त्यात हस्तक्षेप करणे आवश्यक आहे.