*३६ च्या आकड्याने काय घडले ? कुठे घडले ? बघून सर्वच अचंभित झाले !*

३६ च्या आकड्याने काय घडले ? कुठे, कसे घडले ? बघून सर्वच अचंभित झाले !

उमरखेड { भारत रेघाटे }

होय ! 36 चा आकडा हा प्रचंड विरोध दर्शविणारा असतो ? ३६ आकडा हा विरूद्ध दिशेला तोंड करण्यास भाग पाडणारा ? तर कधी नाक मुरडत, एकमेकां समोरही कधीच येणार नाही अशा अविर्भावात वागणारा स्वभाव ! हाच तो ३६ चा आकडा. किंबहुना अचानक चुकून आमने-सामने आलोच तर क्षणार्धात नजर दुसरीकडे बळेच वळवून ,पाऊलेही वळवायला सांगणारा ३६ चा आकडा. प्रत्येक व्यक्तीच्या जीवन प्रवासात, प्रसंगानुरूप येत असतो. मात्र एका ठिकाणी या आकड्या बाबत अगळीक असेच काहीसे घडले. जणू त्यानेच अचंभित असे काही घडवून आणले. तो प्रसंगही ठरला ३६ वर्षानंतरच्या जीवन प्रवासातील अगदी विस्मयकारकच.

या 36 च्या आकड्याने एक आगळी वेगळी अनुभूती देत सर्वांनाच सुखद धक्का देणारा, अचंबित करणारा प्रसंग घडवून आणला. काय घडले ? कसे घडले ? कुठे घडले ? या ३६ च्या आकड्यामुळेच ? तो घटनाक्रम बघूनच सर्वच अचंबित झाले ! अन त्याने आपली किमया दाखवायला सुरूवात केली. निमित्त होते ३६ वर्षांच्या मैत्र जिवाच्या स्नेह मिलनाचे, लहानपणीच्या भावबंधाचे, काही विस्मृतीत गेलेल्या आठवणीचे.

१९८५ ते १९८९ ला एका शाळेत एकाच वर्गात शिकलेले वर्ग मित्र, मैत्रिणी होते ते. आजही अचानक कुठे तरी चुकून रस्त्यात भेट झालीच तर तो हाच का ? ती हीच आहे का ? याची पुसटशीही कल्पना येणार नाही. अशा या मित्र मैत्रिणींच्या जीवनात घडून गेलेल्या ३६ वर्षांच्या कालावधीचा प्रवास. यात झालेला आमुलाग्र बदल. तो स्वीकारून सर्व मित्र मैत्रिणी मात्र एकमेकाची भेट घेण्या जमले. त्यांनी एकमेकांना जाणले. एका अशा ठिकाणी जिथे ते घडले तिथेच.