साम्राज्ञी मैथिली तांबे जेव्हा करतात रक्षक दलाचे सारथ्य !

एकूण दृश्ये: 205

साम्राज्ञी मैथिली तांबे जेव्हा करतात रक्षक दलाचे सारथ्य !

{ महिला दिनी धाडसी निर्णय; सुरक्षेचा नवा अध्याय }

आमदार सत्यजीत तांबे यांचा पुढाकार ; हवेत रंगी बेरंगी फुगे सोडत सुरक्षा मोहिमेचा शुभारंभ

संगमनेर (प्रतिनिधी )

एकेकाळी घरगुती जबाबदाऱ्या सांभाळत जात्यावर ओव्या गात दळण दळणारी महिला आणि आज त्याच महिलांचे हात आत्मविश्वासाने डेअरिंग करीत चारचाकीचे स्टेअरिंग सांभाळत शहराच्या सुरक्षेचे नेतृत्व करताना दिसत आहेत. महिलांच्या सामर्थ्याचा हा प्रेरणादायी प्रवास संगमनेर नगरीत प्रत्यक्ष अनुभवायला मिळाला. महाराष्ट्रात प्रथमच महिलांच्या सुरक्षेसाठी अशा प्रकारचा सुरक्षा उपक्रमाचे सारथ्य करण्याचा मान संगमनेर नगरपालिकेला मिळाला असून या अभिनव संकल्पनेचे सर्वत्र कौतुक होत आहे.

आंतरराष्ट्रीय महिला दिनाच्या निमित्ताने संगमनेर नगरपालिकेने महिलांच्या सुरक्षेला प्राधान्य देत रक्षक दल या उपक्रमाचा शुभारंभ केला. सहकारमहर्षी भाऊसाहेब संतुजी थोरात संकुल येथे आयोजित कार्यक्रमात रंगीबेरंगी फुगे आकाशात सोडून या रक्षक दलाचा विधिवत प्रारंभ करण्यात आला.

शहरात वाढत्या असुरक्षिततेच्या भावना आणि महिलांवरील अन्यायाच्या घटनांच्या पार्श्वभूमीवर हा उपक्रम राबविण्यात आला असून आमदार सत्यजित तांबे यांच्या पुढाकारातून व नेतृत्वाखाली संगमनेर सेवा समितीच्या माध्यमातून या सुरक्षा उपक्रमाची अंमलबजावणी करण्यात आली आहे. यावेळी शहराच्या प्रथम नागरिक नगराध्यक्षा, साम्राज्ञी मैथीली तांबे यांनी पालिकेचे मुख्याधिकारी दयानंद गोरे यांच्या समवेत या उपक्रमाचे सारथ्य स्वीकारत महिलांच्या सुरक्षेसाठी ठोस पाऊल उचलले.