मराठी रंगभूमीला कोणी थोपवू शकणार नाही :- अभिनेते प्रशांत दामलेंनी ठणकावले म्हणाले ,नाटक आणि स्पोर्टस् एआय चे बाप

एकूण दृश्ये: 37

मराठी रंगभूमीला कोणी थोपवू शकणार नाही :- अभिनेते प्रशांत दामलेंनी ठणकावले म्हणाले ,नाटक आणि स्पोर्टस् एआय" चे बाप

संगमनेर ( प्रतिनिधी )

मराठी रंगभूमीवर आपल्या सहजसुंदर अभिनयाने मराठी प्रेक्षकांच्या मनात चिऱतन घर करून आहे. येथील प्रेक्षक कलाकारांना आपल्या हृदयात जपतात असे मत ज्येष्ठ अभिनेते प्रशांत दामले यांनी संगमनेर येथील कवी अनंत फंदी नाट्यगृहाच्या पाहणी प्रसंगी केले. प्रशासन, रसिक नागरिक आणि प्रसार माध्यमांशी त्यांनी मनमोकळा संवाद साधत रंगभूमीच्या सध्याच्या स्थितीवर स्पष्ट आणि थेट भाष्य त्यांनी केले.

ए आय तंत्रज्ञानाचा वाढता प्रभाव यावर ते म्हणाले. नाटक असो किंवा खेळ त्यांना थांबवण्याची ताकद कोणाकडे नाही. काही गोष्टी या प्रत्यक्ष अनुभवातूनच जगतात, त्या बनावट असू नयेत, असे ठाम मत व्यक्त करत त्यांनी नाट्यसंस्कृतीच्या जिवंतपणावर भर दिला. दामले यांनी सांगितले की, कलाकृतींमध्ये जशा कमतरता असतात, तशाच काही उणिवा नाट्यगृहां मध्येही असतात मात्र जसे नाटक सुधारता येते, तसेच नाट्यगृहही सुधारता येणे शक्य आहे.

कवी अनंत फंदी नाट्यगृह खुले असताना येण्याचा योग आल्याची आठवण त्यांनी आवर्जून सांगितली. संगमनेर रसिक प्रेक्षकांचे कौतुक करताना ते म्हणाले की, महाराष्ट्राची नाट्यपरंपरा अत्यंत समृद्ध आहे आणि पुणे मुंबईच्या मध्यवर्ती स्थानावर असलेले संगमनेर हे शहर नाट्य प्रयोगांसाठी एक महत्त्वाचे केंद्र ठरू शकते. “तांत्रिक बाबींमध्ये विशेषतः साऊंड सिस्टिमला अधिक महत्त्व दिले गेले पाहिजे. कारण नाट्यगृह हे कलाकारांचे नव्हे, तर प्रेक्षकांचे घर असते,असे ते म्हणाले.