राज्यात चाललेला धुमाकुळ चिंताजनक, अमली पदार्थ व हिंसाचाराला थारा नाकोच; :- माजी मंत्री थोरात न. पा. १६० वर्षांची उज्ज्वल परंपरा असलेले संगमनेर आता पुढील विकास टप्प्याकडे

राज्यात चाललेला धुमाकुळ चिंताजनक, अमली पदार्थ व हिंसाचाराला थारा नाकोच; :- माजी मंत्री थोरात

{ न. पा. १६० वर्षांची उज्ज्वल परंपरा असलेले संगमनेर आता पुढील विकास टप्प्याकडे }

नगराध्यक्ष नगरसेवकाचा दिमाखदार पदग्रहन सोहळा

संगमनेर ( राजगृह भारत रेघाटे )

संगमनेर नगरपालिकेला तब्बल १६० वर्षांची गौरवशाली परंपरा लाभली असून, ही परंपरा जपत आता शहराच्या सर्वांगीण विकासासाठी निर्णायक आणि दूरदृष्टीपूर्ण पावले उचलण्याची गरज आहे. नगरपालिकेतील ऐतिहासिक विजय हा केवळ एखाद्या व्यक्तीचा नसून, तो जनतेचे प्रेम, विश्वास आणि साथीचा विजय असल्याचेही स्पष्ट करत विजय जितका मोठा, तितकी जबाबदारीही मोठी. या विजयाचे खरे भागीदार नागरिक आणि मतदार असल्याचे प्रतिपादन राज्याचे माजी महसूल मंत्री तथा कांग्रेसचे वरिष्ठ नेते बाळासाहेब थोरात यांनी केले.

संगमनेर नगरपालिकेत सेवा समितीच्या लोकनियुक्त नगराध्यक्षा डॉ. मैथिली तांबे यांचा संपूर्ण महाराष्ट्रात रेकॉर्ड ब्रेक असा विजय झाल्यानंतर नगराध्यक्ष आणि नगरसेवकाच्या पदग्रहण प्रसंगी थोरात बोलत होते. थोरात म्हणाले की, मोठ्या विजयाबरोबरच मोठी जबाबदारी येते. जनतेने दाखवलेला विश्वास टिकवणे आणि प्रत्येक नागरिकाला आपले काम प्रामाणिकपणे होत आहे अशी भावना निर्माण करणे, हीच खरी कसोटी आहे.

लोकशाहीत विरोधकांचाही सन्मान महत्त्वाचा असतो.

विरोधी पक्ष हा लोकशाहीचा अविभाज्य भाग असून, विरोध करतानाही सचोटी आणि जबाबदारी आवश्यक आहे. विरोधकांचा सन्मान राखणे हीच लोकशाहीची संस्कृती असल्याचे थोरात यांनी अधोरेखित केले. राज्यातील धुमाकुळावर चिंता व्यक्त करताना राज्यात विविध ठिकाणी घडणाऱ्या हिंसक व बेशिस्त घटनांबाबत थोरात यांनी तीव्र चिंता व्यक्त केली. अशा घटनांमुळे महाराष्ट्र कुठल्या दिशेने चालला आहे, यावर गंभीरपणे विचार करण्याची वेळ आली असल्याचे सांगत, संगमनेरमध्ये असे प्रकार कदापिही होऊ दिले जाणार नाहीत, असा विश्वास त्यांनी व्यक्त केला. अमली पदार्थ आणि हिंसाचाराला संगमनेरमध्ये थारा नाही, अशी ठाम भूमिकाच यावेळी त्यांनी मांडली. माजी नगराध्यक्षा दुर्गा तांबे यांच्या नेतृत्वाखाली नगरपालिके मार्फत अनेक चांगली कामे झाली असून, उर्वरित विकासकामे अधिक गुणवत्तापूर्ण आणि प्रभावी पद्धतीने पूर्ण करण्याचा निर्धार व्यक्त केला. नागरिकांच्या सहभागाशिवाय विकास अशक्य असल्याचे सांगून