स्मारकाची विटंबना; आदिवासी समाज आक्रमक, दोघांविरुद्ध गुन्हा दाखल

एकूण दृश्ये: 48

आद्य क्रांतिकारक वीर राघोजी भांगरे स्मारकाची विटंबना; आदिवासी समाज आक्रमक, दोघांविरुद्ध गुन्हा दाखल

अकोले : प्रतिनिधी

तालुक्यातील देवगाव येथील आद्य क्रांतिकारक वीर राघोजी भांगरे यांच्या स्मारकाची ठेकेदाराकडून विटंबना झाल्याप्रकरणी दोन ठेकेदारां विरुद्ध राजुर पोलीसात गुन्हा दाखल करण्यात आला आहे. राजूर पोलिस ठाण्यात मोठया प्रमाणावर आदिवासी समाजाचे नेते व कार्यकर्ते एकत्रित आले होते. त्यामुळे काही वेळ तमावसदृश्य स्थिती निर्माण झाली होती. मात्र पोलिसांनी वेळीच संबधित ठेकेदारांविरोधात गुन्हा दाखल केल्यामुळे परिस्थिती निवळली.

क्रांतिकारक वीर राघोजी भांगरे यांचे अकोले तालुक्यातील देवगाव येथे स्मारक आहे . आद्य क्रांतिकारक वीर राघोजी भांगरे हे महाराष्ट्रातील तमाम आदिवासी बांधवांचे श्रद्धास्थान असुन ठेकेदाराकडून झालेल्या प्रकाराबद्दल आदिवासी बांधवांच्या भावनेला ठेच पोहचली आहे. परिसरात सध्या सुशोभीकरणाचे काम सुरू होते . त्यावेळी हे काम करणारे ठेकेदार शैलेश गणपत पांडे , रा.अकोले व कॉन्ट्रॅक्टर अजित बाळू नवले रा. पाडाळणे यांनी क्रांतिवीर राघोजी भांगरे यांच्या स्मारकाचे नुकसान करत त्यांची प्रतिमा ही बाजूला काढून ठेवली . सदर प्रकार हा धामणवन येथील पोपट काळू चौधरी या आदिवासी युवकाच्या निदर्शनास आला.