विठ्ठल हाच सुखाचे आगर ; पंढरीचा पाटील विठ्ठलची तो

एकूण दृश्ये: 32

विठ्ठल हाच सुखाचे आगर ; पंढरीचा पाटील विठ्ठलची तो :- ‍ ह.भ.प. भारतीताई देवताच्या प्राणप्रतिष्ठेचा सोहळा संपन्न

पुणे { प्रतिनिधी }

धार्मिक अधिष्ठानासाठी पूर्वजन्मीच संचित लागते. संत, महात्मे धर्म रक्षणासाठी, संवर्धनासाठी जन्म घेतात. धर्माचे रक्षण करण्याचे काम भक्तांनी केले पाहिजे. भगवंताचे स्मरण करा, नाम जपात खरे सामर्थ्य दडले असून संत, महंतच आपल्याला मार्ग दाखवतात. ते उपदेशही करतात. परंतु माणसाचा संसार कधी संपत नाही. माणसे सुख सोडून दुःखाकडे जातात. जिकडे जाऊ नये तिकडे जातात. जिकडे जायचे तिकडे जात नाही, हा मनुष्य स्वभाव. संसार कसा करावा हे पशू पक्षाकडून माणसाने शिकले पाहिजे. पशुपक्षांना निसर्गाचा अभ्यास असतो. निसर्ग तत्त्वाचे ते निरीक्षण करतात, संकेत देतात. मनुष्य प्राण्याने भगवंताच्या चरणी लीन झाले तरच या भवसागरातून आपण तरुन जाल. कारण विठ्ठल हा सुखाचे आगर आहे तो पंढरीचा पाटील आहे. असे मौलिक प्रतिपादन ह.भ.प. भारतीताई चांगुणे- गोमासे यांनी केले.

456, रास्ता पेठ पुणे येथील विश्वकर्मा पांचाळ समाज मंदिरात श्री विठ्ठल रुक्मिणी, भगवान विश्वकर्मा, दत्तात्रेय, श्री गणेश, ज्ञानेश्वर माऊलींच्या मूर्तीसह गरूड, कासव आदिंची प्राण प्रतिष्ठापना करण्यात आली. या सोहळ्याचे पौरोहित्य वेदमूर्ती श्री महेश नंदे गुरुजी न्यासी महर्षी वेद व्यास प्रतिष्ठान संस्थापक पुणे, प.पू. श्री गोविंदगिरी महाराज कोषाध्यक्ष श्रीराम मंदिर अयोध्या आणि ब्रह्मरुंद यांच्या हस्ते प्राणप्रतिष्ठा करण्यात आली. याप्रसंगी यज्ञ होम हवन करण्यात आले.