अखेर दीनानाथ मंगेशकर रुग्णालयास पुणे मनपाची नोटीस ; 22 कोटी भराच ; किंबहुना जप्तीला जा सामोरे

पुणे प्रतिनिधी

दीनानाथ मंगेशकर रुग्णालयास पुणे महानगरपालिकेने अखेर नोटीस दिली असून थकबाकीचे 22 कोटी भरण्याचा आदेशच आता जारी केला आहे. रक्कम आदा न केल्यास नोटीसीतून जप्ती करण्याचा सज्जड इशाराच मनपाने दिला आहे. गेली काही दिवसापासून दीनानाथ मंगेशकर रुग्णालय वादाच्या भोव-यात चांगलेच अडडले असून रूग्णालयाचे एकेक कारनामे उखड होत आहेत. गर्भवती महिलेच्या मृत्यूस कारणीभूत ठरल्याचा ठपका रूग्णालयावर बसला असून दीनानाथ मंगेशकर हॉस्पिटलवरील ही मोठी कारावाई ठरेल. .विशेष म्हणजे मनपा कडून मंगेशकर रुग्णालयास नोटीस तर बजावली आहेच परंतु 2 दिवसात थकबाकीचे 22 कोटी भरण्याचा आदेशच आता जारी केला आहे. 

पैसे भरण्याची सूचना महापालिकेनं दीनानाथ रुग्णालयाला बजावली आहे. 22 कोटी 6 लाख 76 हजार रुपये एवढी मोठी थकबाकी रूग्णालयास भरावीच लागणार आहे. मोठी रक्कम आणि कमी कालावधीच्या सदर नोटीसमुळे रूग्णालय व्यवस्थापन चांगलेच हादरून गेल्याचे दिसून आले. 

रुग्णालयाचा हलगर्जीपणाने तनिषा भिसे प्रकरणात रुग्णालयाला दोषी ठरवण्यात आलं. त्याचे दोन अहवाल येणार आहेत. त्यामध्ये मृत्यू बाबतचा आणि धर्मदाय समिती यांचा अहवाल सादर केला जाणार आहे.